( أحـوال ) من العالم الخاص

اذهب الى الأسفل

( أحـوال ) من العالم الخاص

مُساهمة من طرف Admin في الثلاثاء نوفمبر 02, 2010 3:31 pm

لامـ عليكم ورحمـة الله وبركأته

هـذه الروايه بقلمـي

بعنوان ( أحـوال ) من العالم الخاص

وحـل الواقع

أتمنى ان تنال إعجابكم


ـــــــــ

أبطال القصه :

ساره : بنت مسالمـه , طيبة قلب , مواصفاتها ( عيونها عسلي , شعرها بني فاتح طويل ,

بيضاء البشره ) . – أول ثانوي –

رشـا : بنوته ناعمه , مـحبوبه من الجمـيع , غيوره . مواضفاتها ( حنطية اللون , شعرها

أسود , عيونها ناعسه , لونهمـ بنـي فاتح ) – ثاني ثانوي –

خـلود : بويه يسمونها " خـالد " تـحب رشا , إللي براسها تسويه .

مواصفاتها ( شعرها بوي مـدرج , بني غامق مسويه في هايلات بني فاتح , ملامحها حاده )

- ثالث ثانوي –

مـها :الساعد الأيمن لـ خـلود , إنـسانه ثقه , تحب مساعدة الجمـيع .

مـواصفاتها ( سمـرا اللون , شعرها قصير , عيونها بني غامق ) – أول ثانوي راسبه –

لولوه : مـطفوقه , عليها بعض الأحيان نذاله و حركات نص كمـ . مواصفاتها

( شعرها لين كتفها , عيونها أسود , لها شامه تحت شفايفها ) – أول ثانوي راسبه –


لطيفه ( دور الكومبراس ) : صديقة ساره من الطفوله , إجتماعيه, تحب الفرفشه و الضحكـ

ــــــــــــــــــــــــــ

الفصل الأول

( البدآآآآآآيـــــــــــه )



يقطع تفكيرها صوت صراخ من الصباح

سـاره – بملل - : يا ربي وش الزحمـه هذي ؟ اووووف

.......... : وييييه شوفيها !!

......... : صج قويه

......... : من الصباح هوشه و الله حاله

كانت ساره تسمع كـلامهمـ , فجاءه جات من ورا ساره صديقتها لطيفه

لطيفه : سااارونه حبيبتي وحشتيني

ساره – بإبتسامه - : و إنتـي أكـثر

تـمسكـ لطيفه يد ساره و تسحبها بالقوه إلى قائمة الأسماء لترى هل إسمها مع ساره

لطـيفه – بنظرة حزن - : هـذي المره تفرقنــا 

ساره – بإستنكار - : لا لطوووف تمزحين !!

لطيفه : لا ما أمزح  بس تعالي لي في الفسحـه و هنا أنا ناطرتكـ ok

يتعالى صوت الوكيله أبله إلهامـ

بناآآآآآآآآآت سنه أول يالله في القاعه , بنااات سنه ثاني و ثالث كـل وحده لـ فصلها

مانبي إزعاااج من الصباح

في داخـــل القاعـــه

تـقف أبله إلهامـ الوكيله ( ممسكه بالمايكـ ) و يمـها أبله عايشه المـشرفه الإجتماعيه

في الخـلف ضجـه و إزعاج أصوات ضحكات أصوات دعوات تـذمـر من الوقوف طويلا ً

أبله إلهام : بناااات هدووء اللي أقول إسمها تطلع

مـها صالح

مـها تطلع تتبختر و تودع الشله ( كأنها ما تشوفهم بعد هاليوم أبد هع )

أبله إلهام : سـاره فهد يلا بسرعه

و تكمـل الأسمـاء و تمضي فتره قرابة النـص ساعه

يدخلن الفصل

مـها – بصوت مرتفع - : بنات من تجلس يمـي يلاااا بسرعه

ساره – بنفسها - : أُف باين من كلامها إنها جريئه 

مـها : سارونه وش فيج ؟ البنات جلسوا و إنتي لحد الآن سرحانه ؟؟

ساره – بنظره تأمليه - : طيب وين يعني أجـلس ؟؟

مـها : طيب تعالي جلسي يمـي

ساره بحركـه غير شعوريه سحبت الكرسي و جلست

فجاءه تدخل الفصل بنت و تلقي التحيه بصوت مرتفع

........ : سـلاااام بنات

مـها – بفرحـه - : لووووولووووووو تعالي هنــــــي

لولوه – بشهقه - : مـهووووووي

و يات لولوه ركيض لـ مها و سلمت عليها

جـلست مها على الطاوله و مقابلها لولوه كانوا يضحكون بصوت عالي و يتكلمون

ساره غارقه في عـالمها المحدود

مـها – و هي رافعه يدها و تحركها بوجه ساره - : ساره ساره وين وصلتـي .؟

ساره – بعد إنتباه - : هااه و لا شي

يقتطع كـلامهمـ صوت حادي و قوي

بناااااات هدوووء و كـل وحده مكانها

لولوه – بصوت خافت - : أووف جاكيشان علينا الحين

مـها : لا تسمعج يا الخبله

لولوه – تتجاهل مها و بشكـل حماسي - : أبله بدريه منوره الفصل

أبله بدريه – تطالع لولوه و مها - : أعوذ بالله جيتوا و الشر جا معاكمـ

لولوه : يا أبلـــ .....

تقاطع كـلامـها و و تتجاهلها ( لأنها لو عطتهمـ وجه الحصه تخلص و همـ يتجادلون )

ابله بدريه : كـل وحده تعرفنا على نفسها و نبتدي في الصف الأول يلاااا

كـل وحده قالت إسمـها جا دور مـها

مـها – بكـل ثقه - : أنا مـ...

أبله بدريه – بحده - : إجـلسي ما يحتاج تقولي إسمـج

مـها – بحمـق - : أوكي طيب

أبله بدريه – تصفق بيدها - : هيييييييه اللي يم مـها قومـي

ساره – بهدوء و خجل - : أنــا

و تقوم و وجهها مصبوغ بالأحمــر ( تعرفون اللي يقوم و اهو يكون سرحان )

ساره : انا سـاره فهـد

مـها – تسحب ساره - : إجلسي فشلتينا يا بنت الناس

لولوه تنفجـر ضحكـ

أبله بدريه كانت متعوده على حركاتهمـ و تعرف ترد عليهمـ بس ما تبي بأول يوم

تتعب عمـرها

أبله بدريه – و اهي تبي تطلع - : خلاص هدوووء انا طاالعه مابي اسمع أي صوت

و الباب ما ينفتح

البنات ما صدقوا إن الأبله طلعت إلا أبتدوا السواليف

و أنـواع الضحكـ و الكـلامـ و ما خلوا سالفه إلا قالوها ( أجـل وش بقى حق الفسحه و باقي

الحصص )

ساره كان تفكيرها بـ رفيجتها لطيفه و كيف وضعها مع بنات فصلها

ـــــــــــــــــــــــــــــــ

لطيفه كانت إجتمعايه مثل ما تعرفون يعني على طول تكون علاقات مع اللي حولها

لطـيفه – متحمـسه في الكـلامـ - : و بعد ما تدرون وش صاااار ؟

تدخل طالبه للفصل

........ : المشرفه الإجتماعيه أبله عايشه تبي لطيفه فيصل ضروري

ــــــ

طق طق طق

المشرفه أبله عايشه : تفضلي لطيفه دشي

لطيفه – بصدمـــه - : يـــُمــــه !!



ترقبوا الجزء الثانـــــي



avatar
Admin
Admin

عدد المساهمات : 123
نقاط : 50228
السٌّمعَة : 0
تاريخ التسجيل : 05/10/2010

معاينة صفحة البيانات الشخصي للعضو http://nasalove.ibda3.org

الرجوع الى أعلى الصفحة اذهب الى الأسفل

رد: ( أحـوال ) من العالم الخاص

مُساهمة من طرف قمر14 في الخميس نوفمبر 25, 2010 6:35 am

thang


welcom

قمر14

عدد المساهمات : 8
نقاط : 14
السٌّمعَة : 0
تاريخ التسجيل : 18/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى